ദൈവം ഒരു സാഡിസ്റ്റാകുന്നു

ദൈവം ഒരു സാഡിസ്റ്റാകുന്നു വിശക്കുന്നവന് റൊട്ടി നല്‍കാത്ത വിയര്‍ക്കുന്നവന് കുളിരു നല്‍കാത്ത വിറയ്ക്കുന്നവന് ചൂടു നല്‍കാത്ത ദൈവം ഒരു സാഡിസ്റ്റാകുന്നു. അവനു(?)പ്രിയപ്പെട്ടവര്‍ പരീക്ഷണവസ്തുക്കളത്രേ. കരയിച്ചു കരയിച്ചു സ്വര്‍ഗ്ഗം നല്‍കുമത്രേ. ആ സ്വര്‍ഗ്ഗത്തെ ഞാന്‍ വെറുക്കുന്നു. ഇരന്നുകൈനീട്ടുന്നവനെ ആട്ടിപ്പായിച്ച്, ഇരന്നതുമോഷ്ടിക്കുന്നവര്‍ക്കു കാവല്‍നിന്ന് ഒടുവില്‍,വിശപ്പും, ശരീരത്തോടൊപ്പം മരണപ്പെടുമ്പോള്‍ വടുകന്‍റെ മൂട്ടിലെ തേങ്ങപോലെ മധുരക്കനികളുടെ ലോകത്തേയ്ക്ക് ഫ്രീ(?)പാസ്. അന്ന്- വിശപ്പുണ്ടാകുമൊ? വിയര്‍പ്പുണ്ടാകുമോ? വിറയുണ്ടാകുമോ? ഉത്തരം തരാന്‍ ആരും തിരിച്ചുവരാത്തതുകൊണ്ട് സധൈര്യം പറയാം, വേദനിയ്ക്കൂ, വേര്‍പ്പൊഴുക്കൂ, ഓവുചാലില്‍ക്കിടന്ന് പുഴുക്കൂ അനുപമസുന്ദരസ്വര്‍ഗ്ഗകവാടം നിനയ്ക്കായ് കാത്തിരിയ്ക്കുന്നു.