ചകിതമീരാത്രിയില്‍
നീലരക്തം പടര്‍-
ന്നൊഴുകും സിരാതന്തു
പൊട്ടിച്ചെടുത്തു നീ
കലിയിളകി നില്‍ക്കുന്നു
മരണമേ, ഞാനിനിയു-
മറിയാതെപൊയ്പോയ
കരളിന്‍റെ കഷ്ണം
തിരഞ്ഞൊടുവിലേകയായ്
പറയട്ടെ നിന്നോടു
പോകാം, നമുക്കിനി
തളിര്‍വരണ്ടൊടുവിലെ-
ക്കിളിയും പറന്നുപോ-
യൊഴിയുമ്പൊഴും നേര്‍ത്ത
കാലടിപ്പാടുകള്‍
പറയുന്നമൗനത്തെ-
യൊരുകൂട്ടിലാക്കിത്തിടമ്പേറ്റി നിര്‍ത്തവേ
അഴിയെണ്ണി, ഇഴയെണ്ണി
കടലെണ്ണി, കരയെണ്ണി
മരവിച്ചുപോകുമ്പോള്‍ മരണമേനിന്നോടു
കരയുന്നു, ഞാനിന്നു പോകാം നമുക്കിനി.
Subscribe to:
Post Comments (Atom)
മരവിച്ചുപോകുമ്പോള്‍ മരണമേ...!
ReplyDeleteക്ഷണകത്ത്‌ കിട്ടി മെഴുകുതീവണ്ടി കയറി മരണത്തിലേക് പോകുമ്പോള്‍ നീ അറിഞ്ഞോ?
ReplyDeleteമരണത്തേകാള്‍ ഒരുപാടധികം നിനെ പലരും സ്നേഹിച്ചതായി...........
ക്ഷണകത്ത്‌ ;
ReplyDeleteമരവിച്ചുപോകുമ്പോള്‍ മരണമേനിന്നോടു
കരയുന്നു, ഞാനിന്നു പോകാം നമുക്കിനി.
മരണമേ, ഞാനിനിയു-
ReplyDeleteമറിയാതെപൊയ്പോയ
കരളിന്‍റെ കഷ്ണം
ശക്തം!
superb............oro varikalum athulyamaya bhavana seshiyulla oru kalakariyude nashtathe ormippikunnu,,,,,,,,,,
ReplyDelete